Pentaqonun rəhbəri Pit Heqset amerikalı qanunvericilərin onun istefasına nail ola bilməyəcəklərinə əminliyini ifadə edib.

"Far.Az" xəbər verir ki, o bu barədə "X" sosial şəbəkəsindəki videomüraciətində bildirib.

"Narazı, məğlub olmuş konqresmen bütün demokrat müttəfiqləri ilə birlikdə, eynilə (ABŞ) Prezident (Donald) Trampa qarşı iki dəfə etməyə cəhd etdikləri kimi, mənə qarşı da impiçment maddələrini təqdim edib", - Heqset vurğulayıb.

O, siyasi rəqiblərinin ona qarşı "şəxsi məhv siyasəti" həyata keçirməyə çalışdıqlarına əmin olduğunu bildirib. "Bu, Prezident Trampa qarşı işə yaramayıb. Mənə qarşı da işə yaramayacaq. Buna əmin ola bilərsiniz", - o əlavə edib.

Respublikaçı konqresmen Tomas Messi (Kentukki ştatından) daha əvvəl Heqsetin impiçmentinə çağıran qətnaməni həmkarlarının baxışına çıxarmağa hazır olduğunu bildirib. Bir çox demokrat qanunvericilər və bəzi respublikaçılar Pentaqon rəhbərinin ABŞ və İran arasındakı münaqişə ilə bağlı fəaliyyətindən kəskin narazılıqlarını ifadə edirdilər.

Tramp dəfələrlə bildirib ki, Heqseti istefaya göndərmək niyyətində deyil, çünki onun öz vəzifələrinin öhdəsindən yaxşı gəldiyini düşünür. Bununla belə, "CBS News" telekanalı mənbələrə istinadən daha əvvəl xəbər verib ki, Amerika lideri köməkçiləri ilə Heqsetin mümkün istefasını müzakirə edir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev, birinci xanım Mehriban Əliyeva və ailə üzvləri "Mənim Abşeronum: Üstə gəl" adlı retrospektiv sərgi ilə tanış olublar

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2