Göyçay rayonunun Çərəkə kəndində Siyavuş Mirzəyev adına 1 nömrəli tam orta məktəbin qəzalı vəziyyətdə olması sakinlərin narazılığına səbəb olub.

1969-cu ildə istifadəyə verilən məktəb binasının uzun illərdir əsaslı təmir olunmadığını bildirən vətəndaşların sözlərinə görə, təhsil ocağında həm şagirdlərin, həm də müəllimlərin təhlükəsizliyi ciddi risk altındadır.

"Məktəbin vəziyyəti çox acınacaqlıdır. Sinif otaqları bərbad vəziyyətdədir, pəncərələr sınıqdır. Sanitar qovşaq da yoxdur, şagirdlər gün ərzində təbii ehtiyaclarını ödəyə bilmirlər", - deyə sakinlərdən biri qeyd edib.

Məsələ ilə bağlı Mərkəzi Aran Regional Təhsil İdarəsindən bildirilib ki, Göyçay rayonu Çərəkə kəndi Siyavuş Mirzəyev adına 1 nömrəli tam orta məktəbin mövcud vəziyyəti nəzarətdə saxlanılır.

Qurumdan qeyd olunub ki, 2025-ci ildə məktəb binasının dam örtüyü və üç sinif otağı cari təmir edilib. Hazırda binanın təmirə ehtiyacı olan digər hissələri ilə bağlı işlərin mərhələli şəkildə davam etdirilməsi planlaşdırılır və müvafiq tədbirlərin görülməsi nəzərdə tutulur.

İdarədən əlavə edilib ki, təhsil müəssisələrinin tikintisi və əsaslı təmiri növbəlilik və prioritetlik prinsipi əsasında həyata keçirilir.

Oxşar xəbərlər

Xətai rayonunda Heydər Əliyev Fondu tərəfindən yeni məktəb binası istifadəyə verilib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Sumqayıtda 36 nömrəli tam orta məktəbin yenidənqurmadan sonra açılışı olub

İlham Əliyev Qarabağ Universitetinin Klinikası binasının açılışında iştirak edib

Azərbaycanın Təbrizdəki konsulu Ramil İmranov Göyçayda dəfn olunub