Azərbaycan millisinin hücumçusu Nəriman Axundzadənin Türkiyənin "Erzurumspor" klubu ilə imzaladığı müqavilənin yeni detalları məlum olub.

BAKU.WS xəbər verir ki, Türkiyə təmsilçisi 22 yaşlı futbolçunun transfer hüquqlarını gələcəkdə tam əldə etmək imkanına malikdir.

Məlumata görə, "Erzurumspor" Nəriman Axundzadəni ABŞ-nin MLS təmsilçisi "Kolambus Kryu"dan bir mövsümlük icarə əsasında heyətinə qatıb. Tərəflər arasında imzalanan müqavilədə satınalma maddəsi də yer alıb. Bu bəndə əsasən, Ərzurum klubu gələn ilin yayında müəyyən olunmuş təzminat məbləğini ödəməklə azərbaycanlı hücumçunun transfer hüquqlarını tam şəkildə əldə edə biləcək.

Xatırladaq ki, "Kolambus Kryu" Nəriman Axundzadəni bu ilin əvvəlində "Qarabağ"dan 2,5 milyon avro qarşılığında transfer etmişdi. Hazırda isə 22 yaşlı futbolçunun transfer bazarındakı dəyəri 2 milyon avro olaraq qiymətləndirilir.

"Erzurumspor" rəhbərliyi Axundzadənin uğurlu çıxış edəcəyi təqdirdə satınalma hüququndan istifadə etməyi planlaşdırır.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN