İraqın ali siyasi rəhbərliyi ölkədə fəaliyyət göstərən qanunsuz silahlı qruplaşmalardan sentyabrın 30-dək silahı yerə qoymağı tələb edib, tərk-silah tələbinin yerinə yetirilməməsi terrorçuluq ittihamları ilə nəticələnəcək.

"Far.Az" xəbər verir ki, bu barədə "The National" qəzeti məlumat yayıb.

Müvafiq bəyanat hökumətə daxil olan şiə, sünni və kürd siyasi qüvvələrini birləşdirən Dövlət İdarəetmə Koalisiyasının iclasının yekunlarına əsasən qəbul edilib.

Koalisiya hökumətin təhlükəsizliyin təmin edilməsi və silahlar üzərində dövlət inhisarının qorunub saxlanılması səylərini dəstəklədiyini təsdiqləyib. Bəyanatda həmçinin vurğulanır ki, İraq ərazisi qonşu ölkələrə hücumlar etmək və ya ölkəni onun maraqlarına cavab verməyən münaqişələrə cəlb etmək üçün istifadə olunmamalıdır.

Hökumət silahlı birləşmələrin tərk-silah edilməsi üçün 30 sentyabrı son tarix kimi müəyyən edib. Bu tarix 2024-cü ildə Bağdad və Vaşinqton arasında imzalanmış sazişdə nəzərdə tutulan ABŞ qoşunlarının ölkədən çıxarılmasının başa çatma müddəti ilə üst-üstə düşür.

Koalisiyadan bildirilib ki, sentyabrın 30-dan sonra dövlət strukturları çərçivəsindən kənar hər hansı silahlı fəaliyyət antiterror qanunvericiliyinə uyğun olaraq nəzərdən keçiriləcək.

Sənəddə həmçinin qeyd olunur ki, bu cür fəaliyyəti davam etdirən şəxslər qanun pozucusu hesab ediləcək və məsuliyyətə cəlb olunacaqlar.

Oxşar xəbərlər

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2