Məhsulsuzluq riski ilə əlaqəli su səviyyəsinin kritik dərəcədə azalmasını göstərən "aclıq daşları" adlandırılan tarixi nişanlar Almaniyanın Saksoniya federal əyalətində Elba çayında uzunmüddətli quraqlıq səbəbindən üzə çıxıb.

"Far.Az"un məlumatına görə, bu barədə NTV telekanalı xəbər yayıb.

Üzərində tarixlər həkk olunmuş ilk daş Pirna şəhəri yaxınlığında Elba çayında üzə çıxıb. Daşın üzərində 1707-ci ildən başlayaraq 20-dən çox tarix qeyd olunub. Bu cür nişanlardan çaylarda və su hövzələrində su səviyyəsinin təhlükəli dərəcədə aşağı düşməsini göstərmək üçün istifadə edilirdi.

Elbanın Pirna ərazisində bəzi yerlərində suyun səviyyəsi 1 metrdən aşağı düşüb, Drezdendə isə bu 54 santimetr təşkil edir.

Almaniya Meteorologiya Xidmətinin məlumatına görə, yaxın günlərdə Saksoniyada leysanlar mümkündür, lakin yağıntılarla bağlı vəziyyətin əhəmiyyətli dərəcədə yaxşılaşacağı gözlənilmir.

Oxşar xəbərlər

Prezident İlham Əliyev "AZWOOL" mineral daş yunu zavodunun açılışında iştirak edib

Daş Salnamə Muzeyində "Suyun sirri" pantomim tamaşası təqdim olunub

Lənkərançayda suyun səviyyəsi artıb - qabaqlayıcı tədbirlər görülür

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Vətən müharibəsində Qələbənin beşinci ildönümünə həsr olunmuş Hərbi parad keçirilib