Rusiyada son vaxtlar bəzi qadınların hərbi komissarlıqlardan çağırış vərəqələri alması müzakirələrə səbəb olub.

Far.Az Rusiya KİV-ə istinadən xəbər verir ki, bu çağırışlar əsasən hərbi-uçot ixtisasına malik qadınlara aiddir.

Onların sırasına tibb, əczaçılıq, rabitə, informasiya texnologiyaları və bəzi digər sahələr üzrə ixtisaslı şəxslər daxildir. Bəzi hallarda isə elektron uçot sistemindəki texniki uyğunsuzluqlar səbəbindən hərbi qeydiyyata aidiyyəti olmayan qadınlara da səhvən bildiriş göndərildiyi bildirilir.

Rusiya qanunvericiliyinə əsasən, qadınlar sülh dövründə məcburi hərbi xidmətə və hərbi toplanışlara cəlb edilmir. Bununla belə, hərbi-uçot öhdəliyi olan şəxslər çağırış aldıqda hərbi komissarlığa müraciət etməlidirlər.

Hüquqşünaslar bildirirlər ki, çağırışın səhv göndərildiyi düşünülərsə, müvafiq sənədlərlə hərbi komissarlığa müraciət edərək məlumatların düzəldilməsi tələb oluna bilər.

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

AQTA bu meyvə şirələrində uyğunsuzluqlar aşkarladı

İƏT Mədəniyyət Festivalı çərçivəsində Qadınların Yaradıcı Forumu keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər