Bakı Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Pərviz Qurbanovun cinayət işi üzrə məhkəmə istintaqı başa çatıb.

Far.Az Pravda.az-a istinadla xəbər verir ki, hakim Vüqar Quliyevin sədrliyi ilə keçirilən prosesdə hökm oxunub.

Məhkəmənin hökmü ilə ona şərti cəza verilib.

İttihama əsasən, təqsirləndirilən şəxs qayınanası, zərərçəkmiş Ağabəyim Səfərovanın (soyadı şərtidir) sağlamlığına qəsdən ağır zərər vurub.

Belə ki, hadisə bu il Bakı şəhəri, Sabunçu rayonu, Yeni Ramana qəsəbəsində baş verib.

Pərviz Qurbanov həmin ünvanda qayınanası ilə mübahisə edib. Mübahisəyə səbəb təqsirləndirilən şəxsin Ağabəyim Səfərovaya arvadı və uşaqlarını ondan ayırması ilə bağlı irad bildirməsi olub.

Zərərçəkmiş şəxsin isə buna cavab olaraq "yaxşı etmişəm" məzmununda cavab verməsi Pərvizin hiddətlənməsinə səbəb olub.

Bundan sonra təqsirləndirilən şəxs üzərində olan kustar üsulla hazırlanmış bıçaq Ağabəyim Səfərovaya iki dəfə zərbə endirib.

Məhkəmədə Pərviz Qurbanov ona Cinayət Məcəlləsinin 126.1-ci maddəsi ilə elan edilmiş ittiham üzrə özünü tam təqsirli bilib.

O, məhkəməyədək icraat zamanı verdiyi ifadələrinə əsasən, məhkəmədə də hadisənin başvermə şəraitini danışıb.

Oxşar xəbərlər

Prezident İlham Əliyev Əfv Sərəncamı imzalayıb

"Kağız gətir - kitab apar" sosial-ekoloji layihəsinə start verildi

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3