AFFA tərəfindən "Məşqçinin psixoloji rifahı və peşəkar tükənmişlik" mövzusunda növbəti təhsil vebinarı keçirilib.

"Far.Az" xəbər verir ki, vebinarda ölkənin müxtəlif futbol akademiyalarını təmsil edən məşqçilər iştirak ediblər.

Onlayn seminar zamanı məşqçilərdə peşəkar tükənmişliyin yaranma səbəbləri, ilkin əlamətlərinin tanınması, stress və emosional yükün məşqçi fəaliyyətinə təsiri, psixoloji rifahın qorunması üçün praktik özünə qayğı üsulları, məşqçinin psixoloji vəziyyətinin komanda mühitinə və oyunçuların inkişafına təsiri, eləcə də uzunmüddətli motivasiya və peşəkar dayanıqlılığın formalaşdırılması mövzuları müzakirə olunub.

Təlim idmançıların və məşqçilərin psixoloji hazırlığı, performans psixologiyası və peşəkar rifah sahələrində fəaliyyət göstərən idman psixoloqu Elşan Erdoğan tərəfindən keçirilib.

İnteraktiv formatda təşkil olunan vebinar zamanı iştirakçılar arasında qarşılıqlı müzakirələr aparılıb. Sorğunun nəticələrinə əsasən, iştirakçılar vebinarı yüksək qiymətləndirib və təqdim olunan mövzuları faydalı hesab ediblər.

İştirakçılar tərəfindən məşqçilərin psixoloji rifahı, performans psixologiyası və oyunçuların psixoloji inkişafı ilə bağlı mövzular üzrə təhsil vebinarlarının davam etdirilməsinin arzuolunan olduğu vurğulanıb.

Oxşar xəbərlər

AFFA-da "Futbolda Uşaqların Hüquqlarının Qorunması" mövzusunda seminar təşkil olunub

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

Leyla Əliyeva "Mənzərəyə açılan ev" mövzusunda qrup sərgisində iştirak edib

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib