Şimali Avropa ölkələrinin şirkətləri Azərbaycanın enerji keçidinə böyük maraq göstərir.

"Far.Az" xəbər verir ki, bu barədə İsveç-Azərbaycan Ticarət Palatasının icraçı direktoru Emil Mirzəyev sosial şəbəkələrdə yazıb.

Onun sözlərinə görə, enerji əməkdaşlığının növbəti mərhələsi ənənəvi enerji istehsalı çərçivəsindən kənara çıxa bilər.

"Şimali Avropa ölkələrinin şirkətləri ilə keçirilən son görüşlər zamanı Azərbaycanın enerji keçidi gündəliyinə marağın davamlı artımı qeydə alınır. Söhbət artıq yalnız enerji istehsalından getmir. Şirkətlər yeni layihələrin genişmiqyaslı icrası üçün zəruri olan infrastrukturu getdikcə daha çox təhlil edirlər", - E.Mirzəyev vurğulayıb.

Biznesin elektrik şəbəkələrinin modernləşdirilməsi, yüksək gərginlikli ötürmə, yarımstansiyaların tikintisi, bərpa olunan enerji mənbələrinin (BOEM) inteqrasiyası, transsərhəd infrastruktur, eləcə də mühəndislik və texnoloji həllər kimi istiqamətlərə diqqət yetirir.

"Bu, Şimal ölkələri üçün maraqlı imkanlar açır", - o əlavə edib.

Palata rəhbərinin fikrincə, İsveç, Norveç və Danimarka bu sahələrin bir çoxunda böyük təcrübəyə malikdir, Azərbaycan isə Avropa, Xəzər regionu və Mərkəzi Asiyanı birləşdirən mühüm enerji və nəqliyyat qovşağı kimi öz rolunu möhkəmləndirir.

"Fürsət təkcə Azərbaycana texnologiyaların tədarük edilməsi ilə məhdudlaşmır, həm də regionu Avropa enerji bazarları ilə birləşdirəcək infrastrukturun bir hissəsinə çevrilməkdən ibarətdir. Mənə elə gəlir ki, məhz burada biznes diplomatiyası mövcud işgüzar əlaqələri praktiki investisiyalara və tərəfdaşlıqlara çevirmək qabiliyyətinə malikdir. Enerji keçidi yalnız daha böyük həcmdə təmiz enerjinin istehsalı demək deyil, həm də bu enerjinin nəqlinə imkan verən sistemlərin yaradılmasıdır. Şimali Avropa ilə Azərbaycan arasında əməkdaşlığın gücləndirilməsi üçün məhz bu istiqamətdə böyük potensial görürəm", - E.Mirzəyev bildirib.

Oxşar xəbərlər

Leyla Əliyeva "Onlardan biri: Emil" adlı anım tədbirində iştirak edib

Doğulanda həkimin əlindən düşən, övladını itirən, depressiyadan çıxa bilməyən, 35 yaşında vəfat edən Ece İrtemin HEKAYƏSİ

Horadiz–Cəbrayıl–Zəngilan–Ağbənd yolunun tikintisi 95 % icra olunub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Birmarket ticarətçilərlə birgə ölkədə biznesi irəli aparır