Xətai rayonu, Kənd Əhmədli ərazisində yerləşən "Kristal Abşeron" yaşayış kompleksinin sakinləri bir sıra problemlərlə bağlı narazılıqlarını bildiriblər.

Baku TV-yə danışan sakinlərin sözlərinə görə, yaşayış kompleksində mərkəzləşdirilmiş su və kanalizasiya sistemi ilə bağlı problemlər mövcuddur.

Onlar iddia edirlər ki, su əraziyə maşınlarla gətirilərək xüsusi anbarlara doldurulur və sakinlər həmin sudan istifadə edirlər.

Sakinlər bildirirlər ki, su təminatı davamlı deyil və bəzi günlərdə uzun müddət susuz qalırlar.

"Toz-torpaq, səhralıq şəraitində yaşayırıq. Natəmiz su istifadə edirik. Vəhşi küçə itləri də var. Çölə uşaqla çıxa bilmirik", - deyə şikayətçi narazılığını dilə gətirib.

Sakinləri narahat edən digər problem isə mənzillərə çıxarışların verilməməsi ilə bağlıdır.

Su təminatı ilə bağlı iradlara cavab olaraq komendant İlqar Abuzadə bildirib ki, əraziyə su və kanalizasiya xətti çəkilib və yaxın vaxtlarda sistemə qoşulması gözlənilir.

Çıxarışların verilməsi məsələsinə də münasibət bildirən məsul şəxsin sözlərinə görə, sayğacların quraşdırılmasından və binanın təhvilindən sonra mənzillərə çıxarışların verilməsi mümkün olacaq.

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

İlham Əliyev Xocavənd şəhər və Xocavənd kənd sakinləri ilə görüşüb

Zaqatala sakinləri sel səbəbindən içməli susuz qalıb

İlham Əliyev Zəngilanda inşa olunmuş ilk yaşayış kompleksinin açılışında iştirak edib

Prezident İlham Əliyev Yevlax Olimpiya İdman Kompleksinin açılışında iştirak edib