Almaniya Kansleri Fridrix Merts 10 ballıq şkala üzrə 2,6 bal toplayaraq alman siyasətçilərinin populyarlıq reytinqində sonuncu yeri tutub.

"Far.Az" xəbər verir ki, bu, "Bild" qəzeti üçün keçirilmiş INSA sosioloji sorğusunun nəticələrində əks olunub.

Sorğuya əsasən, Almaniyanın ən qeyri-populyar siyasətçiləri arasında ölkənin iqtisadiyyat naziri Katarina Rayxe (3,2 bal) və Almaniya Sosial Demokrat partiyasının həmsədri, həmçinin əmək naziri Berbel Bas (3,4 bal) da yer alıb.

Ən populyar alman siyasətçilərinin ilk üçlüyü son bir neçə həftə ərzində dəyişməz qalır. Almaniyanın müdafiə naziri Boris Pistorius reytinqin zirvəsində qərarlaşıb (4,9 bal), onun ardınca Baden-Vürtemberq federal əyalətinin baş naziri Cem Özdemir (4,4 bal) və Şimali Reyn-Vestfaliya federal əyalətinin baş naziri Hendrik Vüst (4,2 bal) gəlir.

Mertsin reytinqdəki enişi yazdan bəri davam edir. İyul ayında o, 20 yerlik siyahıda bir müddətlik 19-cu pilləyə yüksəlmiş, geridə yalnız həmin vaxt surroqat analıqla bağlı qalmaqaldan sonra Bundestaqda Xristian Demokrat İttifaqı/Xristian Sosial İttifaqı fraksiyasının rəhbəri vəzifəsindən istefa vermiş Yens Şpanı qoyub.

Merts iyul ayında ictimai rəy sorğularındakı aşağı reytinqlərin onu narahat etdiyini və bu vəziyyətin səbəblərini anlamağa çalışdığını etiraf edib.

Oxşar xəbərlər

Prezident İlham Əliyev və Federal Kansler Fridrix Merts mətbuata bəyanatlarla çıxış ediblər - YENİLƏNİB-3

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Yusif Eyvazov dünyanın ən nüfuzlu opera səhnəsi olan La Skala teatrında çıxış edib

Prezident İlham Əliyev və Federal Kansler Fridrix Merts mətbuata bəyanatlarla çıxış ediblər - YENİLƏNİB-2

Almaniya-Azərbaycan: Humanitar bağlar və tarixi ənənələr - Lonqrid