Amerika lideri Donald Tramp 2022-ci ildən bəri Rusiyada həbsdə olan ABŞ Dəniz Piyadaları Korpusunun keçmiş hərbçisi Robert Gilmanın azad edildiyini bildirib.

"Far.Az" xəbər verir ki, bu barədə o "Truth Social"da məlumat yayıb.

"Qürurla bildirirəm ki, ABŞ vətəndaşı, ABŞ Dəniz Piyadaları Korpusunun keçmiş hərbçisi Robert Gilman evə qayıdır! Mediada haqqında geniş yazılan Robert 2022-ci ildə, Bayden administrasiyası dövründə Rusiyada həbs edilib. Prezident Vladimir Putinlə danışıqlarımdan sonra Rusiya onu humanitar səbəblərdən azad etməyə razılaşıb. Biz bu qərarı, eləcə də Rusiyanın bunun müqabilində heç nə tələb etməməsi – mübadilənin olmaması faktını alqışlayırıq", - o yazıb.

Tramp bildirib ki, Gilman bu gün axşam Vaşinqtondakı Endryus aviabazasına gələcək və orada onu ABŞ administrasiyasının nümayəndələri qarşılayacaqlar.

O həmçinin qeyd edib ki, onun administrasiyası xaricdə saxlanılan amerikalıların geri qaytarılmasına prioritet diqqət yetirir və yüzlərlə ABŞ vətəndaşının öz ailələrinə qaytarılır.

Qeyd edək ki, Gilman 2022-ci ildə Suxumdan Moskvaya gedən qatarda baş verən münaqişədən sonra Rusiyada saxlanılıb. Daha sonra Voronej məhkəməsi polis əməkdaşına zorakılıq tətbiq etdiyinə görə onu azadlıqdan məhrumetmə cəzasına məhkum edib. Sonradan onun cəza müddəti qısaldılıb, lakin hüquq-mühafizə orqanlarının və Federal Cəza İcrası Xidmətinin əməkdaşlarına qarşı yeni hücumlardan sonra məhkəmə cəzanı yenidən sərtləşdirərək 10 il azadlıqdan məhrumetməyə qədər artırıb.

Oxşar xəbərlər

Şəhidlər xiyabanına xalq ziyarəti axşam saatlarında da davam edir

DSX-nin 270 hərbçisi mənzillə təmin olunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2