UEFA Çempionlar Liqasının 2026/2027-ci il mövsümünün 3-cü təsnifat mərhələsinin cavab oyunları başa çatıb. Bununla da turnirin pley-off mərhələsində üz-üzə gələcək bütün komandalar müəyyənləşib.

BAKU.WS xəbər verir ki, avqustun 11-də keçirilən qarşılaşmalardan sonra pley-off mərhələsində aşağıdakı cütlüklər formalaşıb:

"Fənərbağça" (Türkiyə) - "Lion" (Fransa)

"NEK Neymegen" (Niderland) - "Bodo-Qlimt" (Norveç)

"Hapoel" Beer-Şeva (İsrail) - "Sabah" (Azərbaycan)

"Slovan" (Slovakiya) - "Çelye" (Sloveniya)

"Seltik" (Şotlandiya) - LASK (Avstriya)

"Dinamo" Zaqreb (Xorvatiya) - "Vikinq" (Norveç)

"Levski" (Bolqarıstan) - AEK (Yunanıstan)

Pley-off mərhələsinin ilk oyunları 18 avqustda, cavab qarşılaşmaları isə 25 avqustda keçiriləcək.

Cütlüklərdə qalib gələn komandalar Çempionlar Liqasının əsas mərhələsində iştirak hüququ qazanacaq. Məğlub olanlar isə mübarizəni Avropa Liqasının əsas mərhələsində davam etdirəcəklər.

Qeyd edək ki, ötən mövsüm Çempionlar Liqasının qalibi PSJ olub. Paris təmsilçisi finalda London "Arsenal"ını penaltilər seriyasında məğlub edib - 1:1, penaltilər 4:3.

Oxşar xəbərlər

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6

"Zirə" UEFA Konfrans Liqasının 2026/2027 mövsümündə ilk oyununda qələbə qazanıb - YENİLƏNİB-7

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

UEFA Çempionlar Liqası: "Sabah" TNS komandasını məğlub edib - YENİLƏNİB-5

İlham Əliyevin Slovakiya Milli Şurasının sədri ilə təkbətək və geniş tərkibdə görüşləri olub