Bu ilin yanvar-iyul aylarında Naxçıvan Muxtar Respublikası xarici ölkələrlə 90,4 milyon ABŞ dolları dəyərində ticarət əməliyyatı aparıb.

Bu barədə "Far.Az"un yerli bürosuna Naxçıvanın Dövlət Statistika Komitəsindən bildirilib.

Məlumata görə, bu, ötən ilin eyni dövrünə nisbətən 31,1 % çoxdur.

Xarici ticarət dövriyyəsinin 7,5 milyon ABŞ dolları ixracın, 82,9 milyon ABŞ dolları isə idxalın payına düşüb. Son 1 ildə ixrac 0,1 %, idxal isə 34,9 % artıb.

Son nəticədə xarici ticarətdə 75,4 milyon ABŞ dolları mənfi saldo yaranıb. Bu isə illik müqayisədə təxminən 40 % çoxdur.

Bundan başqa, 7 ay ərzində muxtar respublikada pərakəndə ticarət dövriyyəsinin dəyəri 1 il əvvələ nisbətən 1,2 % çox - 869,6 milyon manat təşkil edib. Ticarət şəbəkəsində 447,8 milyon manatlıq qida məhsulları, içkilər və tütün məmulatları, 421,8 milyon manatlıq qeyri-qida məhsulları satılıb.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan regionda müsbət saldo saxlayan yeganə ölkədir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Aqşin Fatehin restoranında saxta alkoqollu içkilər aşkarlandı

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib