Azərbaycanın yeniyetmə cüdoçularının Ekvadorun Quayakil şəhərində keçirilmiş dünya çempionatında 1 qızıl, 1 gümüş medal qazanması böyük nəticədir.

Bu barədə "Far.Az"a oğlanlardan ibarət millinin baş məşqçisi Emin İskəndərov açıqlama verib.

O, turnirlə bağlı təəssüratlarını bölüşüb:

"Dünya çempionatında qızıl və gümüş mükafat qazanmaq böyük nəticədir. Yarışa 10 idmançı ilə yollanmışdıq. Onlardan 8-i "7-liy"ə düşüblər. 3 nəfər üçüncü yer uğrunda, digər üçü isə üçüncü yer uğrunda görüşə vəsiqə uğrunda qarşılaşmada uduzdu. Üçüncü yer uğrunda güləşənlər də medal qazana bilərdilər. Şansları var idi. Medal sayımız çox ola bilərdi".

Mütəxəssis turnirdən altı gün əvvəl sözügedən ölkəyə yollandıqlarını xatırladıb:

"Azərbaycan Cüdo Federasiyası idmançıların tez uyğunlaşması üçün şərait yaratmışdı. Bu da bərpa üçün kifayət edir. Bəzi texniki səhvlərə görə məğlubiyyətlər oldu".

E.İskəndərov medal qazananların perspektivli cüdoçular olduğunu sözlərinə əlavə edib:

"Medal qazanmayan idmançılarımız da yaxşıdır. Onlar da mükafatçılar sırasına düşə bilərdilər. Öz səhvləri ucbatından alınmadı və məğlub oldular Hər iki cüdoçumuzun finala çıxacağını gözləyirdik. Rəqiblər də güclü idi. Onlar növbəti ildə də komandada olacaqlar".

Xatırladaq ki, dünya çempionatında yığma üzvlərindən Fərid Rzazadə (50 kq) qızıl, Ayxan Həsənli (81 kq) gümüş medal qazanıb.

Oxşar xəbərlər

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Millinin yeni baş məşqçisi kim olacaq? - Ehtimal namizədlər

Üzgüçülük üzrə Azərbaycan çempionatı başa çatıb - YENİLƏNİB

Azərbaycanın cüdo millilərinin məşqçi heyəti gücləndirilib

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı