Bu ilin yanvar–iyul aylarında Naxçıvan Muxtar Respublikasında nəqliyyat və anbar təsərrüfatı sektorunda 58 milyon 371,9 min manatlıq xidmət göstərilib.

Bu barədə "Report"un yerli bürosuna Naxçıvanın Dövlət Statistika Komitəsindən məlumat verilib.

Bildirilib ki, bu, ötən ilin eyni dövrü ilə müqayisədə 16,8 % çoxdur.

Hesabat dövründə nəqliyyat müəssisələri və avtomobil nəqliyyatı sahəsində fəaliyyət göstərən fiziki şəxslər 4 milyon 184,9 min ton yük və 27 milyon 552,8 min sərnişin daşıyıb. 1 il əvvələ nisbətən yük daşınması 1,1 %, sərnişin daşınması isə 1 % artıb.

Daşınan yüklərin 4 milyon 177,1 min tonu avtomobil, 7,5 min tonu hava, 0,3 min tonu isə dəmir yolu nəqliyyatının payına düşüb.

Sərnişin daşınmasında isə avtomobil nəqliyyatı üstünlük təşkil edib. Belə ki, 27 milyon 82,9 min sərnişin avtomobildən, 469,9 min sərnişin isə hava nəqliyyatından istifadə edib.

Oxşar xəbərlər

Prezident Naxçıvanda elektrik mühərrikli yeni avtobuslara baxıb, dəmir yolu infrastrukturunda aparılan yenidənqurma işləri ilə tanış olub

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

Prezident İlham Əliyev Naxçıvanda Azərbaycan Televiziyasına müsahibə verib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Dövlət-özəl tərəfdaşlığı: Aqrar sektorun inkişafında yeni mərhələ - TƏHLİL