İsrail ordusu Dəməşqdən təxminən 46 km cənub-qərbdə, Hermon dağının yamaclarında yerləşən Beyt-Cən yaşayış məntəqəsinin ətrafına artilleriya zərbəsi endirib.

"Far.Az"un SANA agentliyinə istinadən verdiyi məlumata görə, atəş nəticəsində yerli sakinlər arasında xəsarət alan olmasa da, maddi ziyan qeydə alınıb.

Məlumata görə, mərmilər Curat əl-Loz ərazisinə düşüb. Dəyən ziyanın miqyası barədə məlumat açıqlanmır.

Agentliyin qeyd etdiyi kimi, Hermon dağ massivinə nəzarət edən İsrail bölmələri əvvəllər də bu ərazidə hərbi əməliyyatlar keçirib.

Bundan əlavə, çərşənbə axşamı İsrail hərbçiləri Əl-Qüneytrə vilayətindəki Tranca yaşayış məntəqəsi sakinlərinin hərəkətini məhdudlaşdıraraq, nəqliyyatın və piyadaların yoxlanılması üçün nəzarət-buraxılış məntəqəsi qurublar. İsrail bölmələrinin pilotsuz uçuş aparatlarından (PUA) istifadə etməklə, Vadi-Rəqqad ərazisində əməliyyat keçirdiyi Dəra vilayətinin qərb hissəsindəki yollarda əlavə blokpostlar peyda olub.

SANA-nın məlumatına görə, oktyabr ayında Suriya hakimiyyəti ölkənin cənubunda İsrail tərəfindən 200-dən çox qayda pozuntusu qeydə alıb. Bunların arasında quru bölmələrinin müdaxiləsi, artilleriya atəşləri, kəşfiyyat aviasiyasının uçuşları, yaşayış məntəqələrində reydlər və yerli sakinlərin saxlanılması var.

Oxşar xəbərlər

İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib

Hava Hücumundan Müdafiə bölmələri üçün 20-yə yaxın yeni hərbi obyekt istifadəyə verilib

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

FHN-in Akademiyasında gənc kursantların hərbi andiçmə və məzunların buraxılış mərasimi keçirilib

Azərbaycanda mülki aviasiya xidmətləri ilə bağlı tariflər QÜVVƏYƏ MİNDİ