İranın xarici işlər naziri Abbas Əraqçi ilə Qətər Dövlətinin Baş naziri və xarici işlər naziri Şeyx Məhəmməd bin Əbdülrəhman bin Casim Al Tani arasında telefon danışığı olub və tərəflər regiondakı son hadisələri nəzərdən keçiriblər.

"Report" xəbər verir ki, bu barədə A. Əraqçi "Telegram" kanalında məlumat yayıb.

"Bölgədə gərginliyin artmasının qarşısını almaq üçün diplomatik imkanlardan istifadə edilməsinin və koordinasiyanın davam etdirilməsinin vacibliyi vurğulanıb", - məlumatda bildirilib.

Abbas Əraqçi Pakistanın Quru Qoşunlarının komandanı Asim Munirlə də telefonla danışıb: "Tərəflər regiondakı son hadisələri və qarşılıqlı maraq doğuran məsələləri nəzərdən keçirməklə yanaşı, bölgədə sülh və təhlükəsizliyin bərqərar olması üçün məsləhətləşmələrin, birgə səylərin davam etdirilməsinin zəruriliyini qabardıblar".

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Dövlət rəsmiləri Hərbi Memorial Məzarlığı ziyarət ediblər

Əbdülrəhman bin Casim Al Tani: İran münaqişə zonasını genişləndirmək istəyir

Banqladeş, Qətər, Pakistan vətəndaşları İrandan Azərbaycana təxliyə olunub

Hakan Fidan Al Tani və Asim Munirlə ABŞ-İran danışıqlarını müzakirə edib