Avqustun 24-25-də Azərbaycan Turizm Bürosunun (ATB) təşkilatçılığı ilə 50 yerli turizm sənayesi nümayəndəsinin iştirakı ilə Xankəndi, Şuşa və Laçın şəhərlərini əhatə edən tanışlıq səfəri təşkil olunub.

Bu barədə "Far.Az"a Dövlət Turizm Agentliyindən məlumat verilib.

Bildirilib ki, səfərin əsas məqsədi iştirakçıları Qarabağ və Şərqi Zəngəzurun turizm potensialı, zəngin mədəni-tarixi irsi, təbii turizm resursları, mövcud turizm infrastrukturu və formalaşmaqda olan yeni turizm məhsulları ilə yaxından tanış etmək olub.

Təcrübə əsaslı proqram çərçivəsində iştirakçılar regionun müxtəlif turizm məkanlarına səfər edərək, yerli qonaqpərvərlik imkanları ilə tanış olub və turizm marşrutlarına daxil edilə biləcək təcrübələr barədə ətraflı məlumat əldə ediblər.

Tanışlıq səfəri turizm sənayesi nümayəndələrinin praktiki biliklərinin artırılmasına, yeni turizm məhsullarının hazırlanmasına və regionla bağlı gələcək əməkdaşlıq imkanlarının dəyərləndirilməsinə şərait yaradıb.

Yerli turizm sənayesi nümayəndələrinin Azərbaycanın müxtəlif turizm istiqamətləri ilə tanış edilməsi məqsədilə bu formatda səfərlərin davam etdirilməsi nəzərdə tutulur.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib