Alimlər Tunc dövründə zadəganların meteorit dəmirindən hazırlanmış zərgərlik məmulatları taxmış ola biləcəklərini təxmin edirlər.

"Far.Az" xəbər verir ki, bu barədə "Heritage Daily" məlumat yayıb.

Tədqiqatçılar Yunanıstanın cənubunda və Kritdə zəngin dəfn yerlərində tapılmış qədim bəzək əşyalarında yerdənkənar metalın izlərini aşkar ediblər.

Afina Universitetinin mütəxəssisləri yaşı 3 mindən 4 min ilə qədər olan 91 dəmir artefaktı tədqiq ediblər. Onlar rentgen fluoressensiyasının köməyi ilə məmulatlara zərər vermədən tapıntıların kimyəvi tərkibini müəyyən ediblər. 13 əşyada meteorit mənşəli dəmirin xarakterik əlaməti olan yüksək nikel miqdarı aşkar edilib.

Tədqiqatçılar on ədəd dəmir möhür-üzüyü, böyük ehtimalla, meteorit metalından hazırlanmış məmulatlara aid ediblər.

Meteoritlər Yunanıstanın sahilyanı bölgələrinə son dərəcə nadir hallarda düşdüyünə görə alimlər meteorit dəmirinin regiona ticarət yolları ilə daxil olduğunu ehtimal edirlər. Mümkün mənbələrdən biri kimi Qədim Misir göstərilir, burada kosmik dəmiri səhralarda tapmaq daha asan idi.

Oxşar xəbərlər

Prezidentin izi ilə - ZƏNGİLANDAN FOTOREPORTAJ

Naxçıvanda "Zəngəzur yolu: tarixin izi ilə" mövzusunda konfrans keçirilir

Viktoriya Bekhemin 35 milyon dollarlıq 15 NİŞAN ÜZÜYÜ - SİYAHI

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2