İngiltərənin "Çelsi" klubu Premyer Liqanın digər təmsilçisi "Bornmut"un yarımmüdafiəçisi Aleks Skottu transfer etmək üçün 105 milyon avro təklif edib.

"Report" "The Independent"ə istinadən xəbər verir ki, London təmsilçisinin 23 yaşlı futbolçu üçün daha əvvəl etdiyi 80 milyon avroluq təklif rədd edildiyindən məbləğ artırılıb.

Aleks Skott "Bornmut"un 2026-cı ildə təklif etdiyi yeni müqaviləni qəbul etməyib. Yay "transfer pəncərəsi"ndə onunla İngiltərənin digər klubları - "Arsenal", "Mançester Yunayted", "Tottenhem" və "Mançester Siti" də maraqlanıb. Daha əvvəl "Arsenal"ın da təklifi qəbul olunmayıb.

Qeyd edək ki, A.Skott 2023-cü ilin avqustundan "Bornmut"da çıxış edir, klubla müqaviləsi 2028-ci il iyunun 30-dək nəzərdə tutulub. Yarımmüdafiəçi 2025/2026 mövsümündə 39 matçda 4 qol vurub və 1 məhsuldar ötürmə edib.

"Transfermarkt" portalı onun transfer dəyərini 50 milyon avro qiymətləndirir.

Oxşar xəbərlər

Baku TV-nin "Rəqəmsal Media Məktəbi"ndə doqquzuncu qrup məzunlarına sertifikatlar təqdim olunub

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Bakıda "Force of Love" 2026 yay festivalı keçirilib

Prezident İlham Əliyev Əfv Sərəncamı imzalayıb

"Mançester Yunayted" Aleks Skott üçün 40 milyon funt sterlinq təklif etməyə hazırdır