Bu ilin yanvar-iyul aylarında Azərbaycan və Rusiya arasında ticarət dövriyyəsinin dəyəri 2 milyard 109 milyon 757 min ABŞ dolları təşkil edib.

"Report"un Dövlət Gömrük Komitəsinə istinadən verdiyi məlumata görə, bu, ötən ilin eyni dövrü ilə müqayisədə 959 milyon 968 min ABŞ dolları (31,2 %) azdır.

Son 1 ildə Azərbaycanın Rusiyaya ixracının dəyəri 3,9 % artaraq 749 milyon 550 min ABŞ dolları, idxalının dəyəri isə 42 % azalaraq 1 milyard 360 milyon 207 min ABŞ dolları olub.

Hesabat dövründə Rusiya ilə ticarət ümumi dövriyyənin 7,2 %-i qədər olub. O cümlədən, ixrac ümumi ixracın 3,8 %-ni, Rusiyadan idxal isə ümumi idxalın 13,7 %-ni təşkil edib.

7 ayda Azərbaycan xarici ölkələrlə 29 milyard 216 milyon ABŞ dolları dəyərində ticarət əməliyyatı aparıb. Bu, ötən ilin eyni dövrünə nisbətən 1,3 % çoxdur. Xarici ticarət dövriyyəsinin 19 milyard 336 milyon ABŞ dolları ixracın, 9 milyard 881 milyon ABŞ dolları isə idxalın payına düşüb. Son 1 ildə ixrac 27 % artıb, idxal isə 27,4 % azalıb. Son nəticədə xarici ticarətdə 9 milyard 455 milyon dollarlıq müsbət saldo yaranıb. Bu da illik müqayisədə 5,9 dəfə çoxdur.

Oxşar xəbərlər

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Azərbaycanın MDB ölkələrinə ixracı 14 %-ə yaxın artıb, idxalı isə 52 % azalıb

Prezident İlham Əliyev Əfv Sərəncamı imzalayıb