ABŞ-nin müdafiə naziri Pit Heqset 2028-ci il prezident seçkilərində namizədliyini irəli sürmək imkanını öz tərəfdaşları ilə müzakirə edib.

"Far.Az" xəbər verir ki, bu barədə vəziyyətlə tanış olan mənbələrə istinadən "NBC News" məlumat yayıb.

Telekanalın məlumatına görə, Heqsetin prezidentlik yarışında mümkün iştirakı barədə söhbətlər bu yaxınlarda aparılıb. Məlumat onun ABŞ-nin prezident kampaniyalarında ənənəvi olaraq mühüm rol oynayan Ayova ştatına səfərindən təxminən iki həftə sonra ortaya çıxıb.

Səfər zamanı Heqset veteranlar qarşısında çıxış edib və Respublikaçılar Partiyasından olan namizədlərə dəstək tədbirində iştirak edib. Amerika mediasının qeyd etdiyi kimi, ABŞ-nin fəaliyyətdə olan müdafiə nazirləri seçkiqabağı tədbirlərdə çox nadir hallarda iştirak edirlər ki, bu da Pentaqon rəhbərinin siyasi ambisiyalarına dair ehtimalları gücləndirib.

Daha əvvəl "The Washington Post" xəbər verib ki, Heqset Donald Tramp administrasiyasında işini başa vurduqdan sonra prezident seçkilərində iştirak etmək və ya başqa bir siyasi posta namizədliyini irəli sürmək ehtimalını nəzərdən keçirir.

Oxşar xəbərlər

Leyla Əliyeva "Onlardan biri: Emil" adlı anım tədbirində iştirak edib

Bakıda keçirilən WUF13 dünya mediasının diqqət mərkəzindədir

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib