Lənkəranda gənc oğlan küçədə tanımadığı şəxsi döyüb.

Far.Az Lent.az-a istinadla xəbər verir ki, hadisə şəhərin Molla Pənah Vaqif küçəsində qeydə alınıb.

21 yaşlı Musa Nəzərov (şərti adla - red.) küçədə Ceyhundan siqaret istəyib. Ceyhun siqareti olmadığını desə də, Musa təkrar yenə onda siqaret olub-olmadığını soruşub. Bu zaman Ceyhun "Sənə dedim axı yoxdur, məni ələ salmısan ya özünü?" deyə cavab verib. Belə cavabdan sonra tərəflər bir-birini söyüblər. Nəticədə Musa yumruqla Ceyhunu vurub. Ceyhun yerə yıxılandan sonra isə təpiklə onun bədəninin müxtəlif nahiyələrinə vuraraq, xəsarətlər yetirib.

Zərərçəkənin şikayəti əsasında Musa Nəzərov polis əməkdaşları tərəfindən saxlanılıb və barəsində cinayət işi açılıb.

M.Nəzərov ifadəsində əməlindən peşman olduğunu deyib. Zərərçəkən Ceyhun isə Musanı bağışlamadığını bildirərək, onun həbs olunmasını istəyib.

Məhkəmənin qərarı ilə M.Nəzərov 6 ay müddətinə azadlıqdan məhrum edilib.

Oxşar xəbərlər

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Leyla Əliyeva, Arzu Əliyeva və Alena Əliyeva Lənkəranda fermer təsərrüfatı ilə tanış olublar

Lənkəranda qandonduran HADİSƏ – Ana isti qaşıqla 3 yaşlı qızının qolunu DAĞLADI

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2