Venesuelanın müvəqqəti prezidenti Delsi Rodrigez ABŞ ilə imzalanan 25 illik neft müqaviləsinin əsas şərtlərini açıqlayıb.

BAKU.WS xəbər verir ki, onun sözlərinə görə, razılaşma ölkənin 17 strateji neft yatağını əhatə edir. Saziş çərçivəsində hasilatın gündəlik 1,5 milyon bareldən yuxarı səviyyəyə çatdırılması planlaşdırılır.

Rodrigez bildirib ki, dünya bazarında neftin bir barelinin orta qiyməti 65 dollar civarında olduğu halda, Venesuelanın hər bareldən təxminən 19 dollar gəlir əldə etməsi nəzərdə tutulur. Müqavilənin qüvvədə olduğu müddətdə ölkənin ümumi gəlirlərinin 209 milyard dolları ötəcəyi proqnozlaşdırılır.

Razılaşmaya əsasən, hasil olunan neft üzrə 16 faizlik royalti ödəniləcək. Bundan başqa, yataqlarda fəaliyyət göstərən şirkətlərin əldə etdiyi mənfəətə 34 faiz vergi tətbiq olunacaq.

Müqavilə çərçivəsində Venesuela neft ehtiyatları, mövcud infrastruktur və yerli işçi qüvvəsi ilə layihəyə töhfə verəcək. ABŞ tərəfi isə investisiya kapitalı və müasir texnologiyaların təmin edilməsini öz üzərinə götürəcək.

Venesuela hakimiyyəti hesab edir ki, saziş ölkədə yeni iş yerlərinin açılmasına və infrastrukturun yenilənməsinə şərait yaradacaq. Eyni zamanda, investisiyaların uzun müddətdir sanksiyaların təsiri altında olan neft sektorunun bərpasına təkan verəcəyi gözlənilir.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3