Türkiyə, Pakistan və Səudiyyə Ərəbistanından ibarət "Məkkə İttifaqı"nın ilk toplantısı avqustun 31-də İstanbulda keçiriləcək.

"Far.Az" "Haber Global"a istinadən xəbər verir ki, bu barədə Türkiyə Xarici İşlər Nazirliyinin mənbələri məlumat yayıb.

Toplantıda Türkiyənin xarici işlər naziri Hakan Fidan, Pakistanın xarici işlər naziri Məhəmməd İshaq Dar, Səudiyyə Ərəbistanının xarici işlər naziri Feysəl bin Fərhan Al Səudun iştirakı gözlənilir.

Bildirilib ki, toplantı "Məkkə Birgə Müdafiə Sazişi" çərçivəsində həyata keçiriləcək fəaliyyətlərə strateji istiqamət vermək məqsədilə yaradılması nəzərdə tutulan Strateji Siyasi və Müdafiə Komitəsinin ilk iclası olacaq.

Toplantıda beynəlxalq təhlükəsizlik məsələlərinin müzakirəsi, müdafiə imkanlarının inkişaf etdirilməsi, üç ölkənin silahlı qüvvələri arasında qarşılıqlı fəaliyyət qabiliyyətinin artırılması, müdafiə sənayesi sahəsində əməkdaşlığın dərinləşdirilməsi, o cümlədən birgə istehsal və tədqiqat-inkişaf layihələrinin həyata keçirilməsi nəzərdə tutulur.

Bundan əlavə, terrorla mübarizə sahəsində birgə səylərin gücləndirilməsi, ittifaqın müəyyən edəcəyi ümumi fəaliyyət istiqamətləri üzrə işləri əlaqələndirəcək Katibliyin və digər mexanizmlərin fəaliyyət çərçivəsinin müəyyənləşdirilməsi planlaşdırılır.

Toplantıda, həmçinin qarşıdakı dövrdə atılacaq addımlara dair yol xəritəsinin hazırlanması gözlənilir.

Türkiyə Xarici İşlər Nazirliyindəki mənbələr qeyd edib ki, "Məkkə Birgə Müdafiə Sazişi" regionda təhlükəsizlik, sülh və sabitliyin möhkəmləndirilməsinə, məsələlərə əməkdaşlığa əsaslanan təhlükəsizlik yanaşması ilə baxılmasına, qarşıdurma əvəzinə sülh və rifahın prioritetləşdirilməsinə yönələn imkanlar yaradır.

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Naxçıvanın turizm imkanlarının nümayiş etdirilməsi məqsədilə MEDİATUR

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub