Rusiya Prezidenti Vladimir Putin Moskvaya səfər edən ABŞ-nin Mərkəzi Kəşfiyyat İdarəsinin (MKİ) rəhbəri Con Retkliff ilə təkbətək görüş keçirməyib.

"Report"un məlumatına görə, bunu Rusiya Prezidentinin mətbuat katibi Dmitri Peskov "Vesti"nin jurnalisti Pavel Zarubinə bildirib.

"Xeyr, Prezidentlə görüş olmayıb", - mətbuat katibi təsdiqləyib.

O, bununla yanaşı qeyd edib ki, Rusiya və ABŞ kəşfiyyat orqanları arasında əlaqələrin Rusiya-Ukrayna münaqişəsinin həllinə təsiri səsləndirilən təkliflərdən asılı olacaq.

"Nizamlanmaya təsir təkliflərdən, səsləndirilən ideyalardan asılıdır, amma kəşfiyyat orqanları arasında əlaqələrin bağlanması məhz bunun üçündür", - Peskov deyib.

Daha əvvəl bildirilib ki, 25 avqustda Mərkəzi Kəşfiyyat İdarəsinin direktoru yüksək vəzifəli Rusiya rəsmiləri ilə bir sıra görüşlər üçün Moskvaya səfər edib. "The Wall Street Journal" qəzeti xəbər verib ki, görüşlər zamanı Retkliff Moskvanı Ukrayna ilə münaqişə kontekstində NATO ölkələri ilə mümkün eskalasiya barədə xəbərdar etmiş ola bilər.

ABŞ Prezidenti Donald Tramp daha sonra bildirib ki, Mərkəzi Kəşfiyyat İdarəsinin direktorunun Rusiyaya gedişi rutin xarakterli səfər olub.

Oxşar xəbərlər

İlham Əliyevin Slovakiya Milli Şurasının sədri ilə təkbətək və geniş tərkibdə görüşləri olub

Birinci vitse-prezident Mehriban Əliyeva Müqəddəs Pavel Bazilikasının baş keşişi ilə görüşüb

Düşənbədə İlham Əliyevin Vladimir Putinlə təkbətək görüşü olub

Düşənbədə Azərbaycan Prezidenti İlham Əliyevin Rusiya Prezidenti Vladimir Putinlə təkbətək görüşü keçirilir

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3