Rusiya vətəndaşlığını yeni qəbul edən şəxslər üçün silah alınması məhdudlaşdırılacaq.

Far.Az-nın Moskva bürosu xəbər verir ki, “Ədalətli Rusiya - Həqiqət naminə” fraksiyasının bir qrup deputatı Rusiya vətəndaşlığını yeni almış şəxslər üçün silah alışına müvəqqəti məhdudiyyətlər tətbiq etməyi təklif edən qanun layihəsini Dövlət Dumasına təqdim edib.

Sənəd Dumanın məlumat bazasında yerləşdirilib.

Qanunun müəllifləri qeyd ediblər ki, hazırda əcnəbilər Rusiya vətəndaşlığını aldıqdan dərhal sonra odlu silah əldə etmək üçün müvafiq icazəni və silahı alırlar. Eyni zamanda, çox vaxt bu şəxslər yaşadıqları və ya olduğu yer üzrə hərbi qeydiyyata düşmürlər.

Deputatlar tərəfindən “Silah haqqında” qanuna zəruri dəyişikliklərin edilməsi təklif olunur. Belə ki, 10 ildən az müddətdə Rusiya vətəndaşlığı olan şəxslərin mülki odlu silahlar, ov silahları və özünümüdafiə odlu silahları əldə etməsinə qadağa qoyulması təklif edilir.

Oxşar xəbərlər

Azad edilmiş ərazilərin bərpası: xarabalıqdan dirçəlişə doğru - Təhlil

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

“Mənim Səsim” Seçki Monitorinq Koalisiyası aralıq hesabatını təqdim edib - FOTO

MSK informasiya texnologiyaları mütəxəssisləri üçün seminarlara start verib

Moskva yaxınlığında 43 yaşlı azərbaycanlı iş adamı öldürülüb