Google Maps ABŞ versiyasında Kanada ilə ABŞ arasında yerləşən Ontario gölünün adını "Amerika gölü" olaraq yeniləyib.

Far.Az xəbər verir ki, bu barədə TRT Haber məlumat yayıb.

Google-dan verilən açıqlamada bildirilib ki, ABŞ Coğrafi Adlar Sistemində gölün adının rəsmi şəkildə dəyişdirilməsindən sonra bu yenilik xəritə tətbiqinə də əlavə olunub.

Beləliklə, Google Maps-in ABŞ-dakı istifadəçiləri gölü "Amerika gölü" adı ilə görəcəklər. Kanadadakı istifadəçilər üçün isə gölün adı əvvəlki kimi "Ontario gölü" olaraq qalacaq. ABŞ və Kanada xaricindəki istifadəçilərə isə xəritədə hər iki adın göstəriləcəyi qeyd olunub.

Ad dəyişikliyi ABŞ Prezidenti Donald Trampın avqustun 27-də imzaladığı sərəncamdan sonra həyata keçirilib.

Bu addım Tramp administrasiyasının daha əvvəl Meksika körfəzinin adını ABŞ xəritələrində "Amerika körfəzi" kimi dəyişdirməsini xatırladıb.

Ad məsələsi iki ölkə arasında ticarət gərginliyinin artdığı bir vaxtda gündəmə gəlib. Kanada rəsmiləri ABŞ-ın yeni tarif qərarlarını sərt şəkildə tənqid edib. Tramp isə Ontario əyalətinin baş naziri Duq Fordun açıqlamalarını "lovğalanma" kimi qiymətləndirib.

Oxşar xəbərlər

Heydər Əliyev Mərkəzində "ART Weekend" festivalının rəsmi açılışı olub

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

"ART Weekend" çərçivəsində "Püstə: canlı irs" performansı təqdim edilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Polad incəsənətə çevriləndə - Baku Steel Art" 2-ci Beynəlxalq Metal Simpoziumu öz işinə başlayıb