Zəngəzur dəhlizinin açılması Qırğızıstanın Azərbaycan vasitəsilə Avropa bazarlarına çıxış imkanlarını genişləndirəcək.

"Report"un Bişkekə ezam olunmuş müxbirinin verdiyi məlumata görə, bunu "Insap Elim" ictimai fondunun direktoru Tolobek Beyşenbekov agentliyə müsahibəsində bildirib.

O, Türk dövlətlərinin nümayəndələrinin Zəngəzur dəhlizinin işə salınmasında maraqlı olduqlarını qeyd edib.

"Biz, Türk dövlətlərinin nümayəndələri olaraq, bu dəhlizin açılmasında son dərəcədə maraqlıyıq", - T.Beyşenbekov bildirib.

Onun sözlərinə görə, Çin-Qırğızıstan-Özbəkistan dəmir yolu da regional nəqliyyat əlaqələrinin inkişafında mühüm rol oynayacaq.

"Bu dəmir yolu Qırğızıstana Azərbaycan vasitəsilə dənizə, oradan isə Avropa və digər ölkələrin bazarlarına çıxış imkanı yaradacaq", - o qeyd edib.

T.Beyşenbekov həmçinin Qırğızıstan və Azərbaycanın sosial və inklüziv sahibkarlıq sahəsində əməkdaşlıq perspektivlərinə diqqət çəkib.

Onun sözlərinə görə, Bakıda keçirilən forumlarda iştirak Qırğızıstana Azərbaycanın qeyri-hökumət təşkilatlarının təcrübəsi ilə tanış olmağa və birgə fəaliyyətin mümkün istiqamətlərini müzakirə etməyə imkan verib.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

WUF13-ün beşinci günündən maraqlı anlar - FOTOREPORTAJ

Şuşa Dövlət Musiqili Dram Teatrında inkluziv bir qizin mono tamaşası

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib