Mənzil İnşaatı Dövlət Agentliyinin tabeliyində fəaliyyət göstərən "MİDA" MMC yaşayış komplekslərində liftlərin təmiri, ehtiyat hissələri ilə təmin edilməsi və servis xidmətlərinin göstərilməsi ilə bağlı satınalma elan edib.

BAKU.WS-in əldə etdiyi məlumata görə, satınalmanın ehtimal olunan qiyməti 1 milyon 170 min 427 manat 32 qəpik təşkil edir.

Layihə çərçivəsində yaşayış komplekslərində 545 liftə texniki xidmət göstərilməsi nəzərdə tutulur.

Xidmətlər zamanı liftlərin idarəetmə stansiyaları və giriş qurğuları yoxlanılacaq, elektrik məftilləri və kontaktların vəziyyətinə nəzarət ediləcək. Həmçinin əyləc sistemlərinə texniki baxış keçiriləcək, onların təmizlənməsi və sazlanması həyata keçiriləcək.

Görüləcək işlər nəticəsində liftlərin texniki vəziyyətinin yaxşılaşdırılması, nasazlıqların vaxtında aşkarlanaraq aradan qaldırılması və yaşayış komplekslərində sakinlərin daha təhlükəsiz və fasiləsiz lift xidmətindən istifadə etməsi gözlənilir.

Oxşar xəbərlər

HONOR Azərbaycanda ikinci rəsmi mağazasını və ilk servis mərkəzini açdı

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Bakıda tanınmış şirkət bahalı maşınlarını ucuz qiymətə satışa çıxardı - SİYAHI

Azərbaycanda mənzil təminatı: sosial inklüzivlik və dayanıqlı urbanizasiya modeli – ARAŞDIRMA

İlham Əliyev Xocavənd şəhər və Xocavənd kənd sakinləri ilə görüşüb