Çin geoloqları şərqdəki Anhoy əyalətində mis və qızılın təbii ərintisi olan kuproaurid yatağı aşkar ediblər.

"Report"un CCTV-yə istinadən məlumatına görə, bu kəşf ölkənin şərq hissəsində yeni böyük resurs bazasının formalaşdırılmasına imkan verəcək.

Yataqlar Syuançen şəhər dairəsinin tərkibinə daxil olan Çatin rayonunda yerləşir. Filiz massivi hazırda tam tədqiq edilməyib. Əsas filiz gövdəsinin uzunluğu təxminən 1,2 km-ə çatır, eni isə təqribən 1,1 km təşkil edir. Mütəxəssislərin qiymətləndirmələrinə görə, yatağın potensial qızıl ehtiyatları 200 tonu keçə bilər.

Tərkibindəki misin həcmi milyonlarla ton olaraq qiymətləndirilir. Bundan əlavə, geoloji-kəşfiyyat işlərinin davam etdirilməsi üçün əhəmiyyətli potensial qalmaqdadır.

Çin Qızıl Hasilatçıları Assosiasiyasının məlumatına görə, 2024-cü ildə ölkə öz xammal mənbələrindən 381,3 ton qızıl hasil edib ki, bu da əvvəlki ilin göstəricilərini 1,09 % üstələyir.

Oxşar xəbərlər

"Report" İA və Baku TV Çinin nüfuzlu CCTV+ agentliyi ilə əməkdaşlıq memorandumu imzalayıblar

Ağdərənin Canyataq kəndində "Dəmirli" Filiz Emalı Kompleksinin fəaliyyəti ilə tanışlıq

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2