"Qalatasaray" Almaniyanın "RB Leypsiq" klubunun 21 yaşlı müdafiəçisi El Şadayl Bitşiabunun transferi üçün rəsmi danışıqlara başlayıb.

BAKU.WS xəbər verir ki, klub keçidlə bağlı məlumatı KAP-a açıqlayıb. Fransalı futbolçu isə bu səhər İstanbulun hava limanına enərək tibbi müayinədən keçib.

Bitşiabu jurnalistlərə açıqlamasında "Qalatasaray"a gəlməkdən çox xoşbəxt olduğunu deyib:

"Çox xoşbəxtəm. Azarkeşlərlə və yeni ailəmlə görüşəcəyəm. Onlarla tanış olmaq üçün səbirsizlənirəm. "Qalatasaray" azarkeşlərinin atmosferinin Avropanın ən yaxşılarından biri olduğunu bilirəm".

Məlumata görə, İstanbul klubu futbolçunu 2 milyon avroya icarəyə götürəcək. Müqavilədə 25-30 milyon avro civarında satınalma bəndi olması gözlənilir.

2023-cü ildə PSJ-dən "RB Leypsiq"ə keçən Bitşiabunun müqaviləsi 2029-cu ilə qədərdir. Onun bazar dəyəri isə 18 milyon avro qiymətləndirilir.

Qalereya

Oxşar xəbərlər

Şou-biznesin xoşbəxt ailə həyatı olan məşhurları - SİYAHI

Azərbaycanda "Chrome"un bazar payı iki ayda 8 %-dən çox azalıb

"Safari"nin Azərbaycandakı bazar payı 3 ayda 2 dəfədən çox azalıb

Prezident İlham Əliyev Bakı Enerji Həftəsinin rəsmi açılış mərasimində iştirak edib

Azərbaycanda planşetlərdə "Chrome"un payı 18 % azalıb