ABŞ Prezidenti Donald Tramp Böyük Britaniyanın Folklend adaları üzərində suverenliyi ilə bağlı Vaşinqtonun mövqeyini yenidən nəzərdən keçirə biləcəyini bildirib.

BAKU.WS xəbər verir ki, Tramp kabinetdə jurnalistlərin bu məsələ ilə bağlı sualını cavablandırarkən deyib ki, bütün mövqeləri nəzərdən keçirməyə açıqdır.

"Bütün mövqelərimi hər zaman nəzərdən keçirirəm. Bu da həmin mövqelərdən biridir", - deyə ABŞ lideri bildirib.

Açıqlama ABŞ-nin Böyük Britaniyanı müdafiə xərclərini artırmağa təşviq etmək üçün Folklend adaları ilə bağlı siyasətini dəyişə biləcəyi barədə xəbərlərin fonunda səslənib.

Böyük Britaniyanın maliyyə naziri Con Hili isə ölkəsinin müdafiə xərclərini ÜDM-in 3 faizinə çatdırmaq planına sadiq olduğunu açıqlayıb. O, Folklend adalarının Britaniyaya məxsus olduğunu və ada sakinləri bunu istədiyi müddətdə bu statusun qorunacağını vurğulayıb.

Cənubi Atlantikdə yerləşən Folklend adaları Böyük Britaniyanın nəzarətindədir. Argentina isə uzun illərdir adalar üzərində suverenlik iddiasını davam etdirir.

Qeyd edək ki, Folklend məsələsi daha əvvəl də ABŞ-nin Britaniyaya müdafiə xərclərini artırmaqla bağlı təzyiq vasitələrindən biri kimi gündəmə gəlib.

Oxşar xəbərlər

Polis Günündə də post başında – Bakının küçələrindən diqqətçəkən FOTOLAR

İlham Əliyev Xocavənd şəhər və Xocavənd kənd sakinləri ilə görüşüb

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN