"Komo" klubunu çalışdıran Sesk Fabreqas İtaliya Futbolçular Assosiasiyasının (AIC) versiyasına görə, A Seriyasında 2025/2026 mövsümünün ən yaxşı baş məşqçisi seçilib.

"Far.Az" xarici mediaya istinadən xəbər verir ki, 39 yaşlı ispaniyalı mütəxəssisin birinci olduğu sorğunun qalibi futbolçular arasında səsvermə ilə müəyyənləşdirilib.

Mükafatlandırma mərasimi Milanın "La Skala" teatrında təşkil olunub. Mövsümün ən yaxşı futbolçusu "İnter"in müdafiəçisi Federiko Dimarko, ən yaxşı klubu isə "İnter" seçilib. "Komo"nun yarımmüdafiəçisi Niko Pas ən yaxşı gənc oyunçu, "Yuventus"un üzvü Fransişku Konseysau ən gözəl qolun müəllifi adını qazanıb.

Mövsümün rəmzi komandasına Mile Svilar ("Roma"), Marko Palestra ("Empoli"), Alessandro Bastoni, Manuel Akanji, Federiko Dimarko, Hakan Çalhanoğlu (hamısı "İnter"), Skott Maktominey ("Napoli"), Luka Modriç ("Milan"), Niko Pas ("Komo"), Lautaro Martines ("İnter") və Doniell Malen ("Roma") daxil ediliblər.

Qeyd edək ki, Sesk Fabreqas 2024-cü ildən "Komo"ya rəhbərlik edir. Ötən mövsüm 71 xal toplayan komanda İtaliya A Seriyasında 4-cü yeri tutub və tarixində ilk dəfə UEFA Çempionlar Liqasına vəsiqə qazanıb.

Oxşar xəbərlər

Leyla Əliyeva və Alyona Əliyeva mükafatlandırma mərasimində iştirak ediblər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Şuşa Dövlət Musiqili Dram Teatrında inkluziv bir qizin mono tamaşası

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Yusif Eyvazov dünyanın ən nüfuzlu opera səhnəsi olan La Skala teatrında çıxış edib