Azərbaycan Dövlət Neft Şirkətinin (SOCAR) Gürcüstandakı törəmə "SOCAR Georgia Petroleum" şirkəti SOCAR Qrupuna daxil olan "Italiana Petroli" şirkətindən bu ölkəyə 5 min ton həcmində yüksək keyfiyyətli benzin idxal edib.

BAKU.WS "Report"a istinadən xəbər verir ki, bu barədə SOCAR məlumat yayıb.

Bildirilib ki, "EN 228" Avropa standartına uyğun olan yanacağın ilk partiyası SOCAR-a məxsus gəmi ilə Gürcüstana çatdırılıb.

Qeyd olunub ki, bu, "SOCAR Georgia Petroleum" ilə "Italiana Petroli" arasında ilk birbaşa kommersiya əməliyyatıdır. Təchizat SOCAR-ın "Italiana Petroli" şirkətinin səhmlərinin 99,82 %-ni almasını başa çatdırmasından sonra həyata keçirilib.

"SOCAR Georgia Petroleum" şirkətinin direktoru Nodar Kançaveli bildirib ki, "Italiana Petroli"nin neft emalı və keyfiyyətə nəzarət sahəsində təcrübəsinin SOCAR-ın beynəlxalq infrastrukturu ilə birləşdirilməsi Gürcüstan bazarında yanacaq təchizatının şaxələndirilməsinə imkan yaradır.

Onun sözlərinə görə, bu əməkdaşlıq Gürcüstanda Avropa standartlarına cavab verən yanacağın daha etibarlı və fasiləsiz təchizatına xidmət edəcək.

Xatırladaq ki, SOCAR bütün zəruri tənzimləyici təsdiqləri aldıqdan sonra 8 may 2026-cı ildə "Italiana Petroli" şirkətinin səhmlərinin 99,82 %-nin alınmasını başa çatdırıb. Şirkətin alınması SOCAR-ın Avropada neft emalı və yanacaq satışı fəaliyyətinin genişləndirilməsinə imkan yaradıb.

SOCAR-ın Gürcüstandakı fəaliyyəti isə 2006-cı ildən başlayır. "SOCAR Energy Georgia" həmin il şirkətin Azərbaycandan kənarda yaradılmış ilk törəmə müəssisəsi olub.

Oxşar xəbərlər

Prezident Ərəb Koordinasiya Qrupuna üzv qurumların rəhbər şəxslərini qəbul edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev İmişlidə "Promalt" MMC-nin arpa emalı müəssisəsinin açılışını edib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib