Yeni tədris ilinin başlamasına az vaxt qaldığı bir vaxtda məktəb bufetləri və yeməkxanaların vəziyyəti ilə bağlı görülən işlər açıqlanıb.

AQTA-dan BAKU.WS-in sorğusuna cavab olaraq bildirilib ki, cari il ərzində bir sıra ümumi təhsil müəssisələrində monitorinqlər keçirilib.

Monitorinqlər zamanı məktəblərin qida bloklarının sanitar-texniki və sanitar-gigiyenik vəziyyəti, qidalanma prosesinin təşkili, təqdim olunan məhsulların təhlükəsizlik və keyfiyyət göstəricilərinə uyğunluğu qiymətləndirilib. Həmçinin satışına qanunvericiliklə yol verilməyən və yararlılıq müddəti bitmiş məhsulların şagirdlərə təklif olunması halları da yoxlanılıb.

AQTA həmçinin qeyd edilib ki, aşkar edilən uyğunsuzluqların aradan qaldırılması üçün məsul şəxslərə icrası məcburi göstərişlər verilib. Tələblərə cavab verməyən məhsullar isə dərhal satışdan kənarlaşdırılıb.

Qurumdan açıqlanıb ki, yeni tədris ilində də ümumi təhsil müəssisələrində qida təhlükəsizliyinin təmin olunması məqsədilə monitorinqlər davam etdiriləcək.

Şahanə Xankişiyeva

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

"Oracle Advisory Group" parlament seçkilərində "exit poll"un nəticələrini açıqlayıb