ABŞ Prezidenti Donald Trampın administrasiyasının vasitəçiliyi ilə Rusiya-Ukrayna münaqişəsinin nizamlanması üzrə danışıqlar sentyabrın sonunda bərpa oluna bilər.

"Far.Az" "İnterfaks-Ukrayna"ya istinadən xəbər verir ki, bu barədə Ukrayna Prezidenti Ofisinin rəhbəri Kirill Budanov "The New York Times"a müsahibəsində bildirib.

"Danışıqlar gec-tez müəyyən nəticəyə gətirib çıxaracaq. Ömür boyu müharibə etmək olmaz", - K.Budanov qeyd edib.

Onun sözlərinə görə, danışıqlar prosesinin Rusiyada parlament seçkilərindən sonra bərpa olunacağı gözlənilir. Trampın xüsusi elçiləri - Stiv Uitkoff və Cared Kuşnerin Kiyevə səfəri danışıqların yeni raundunun başlanğıcı ola bilər.

Bununla belə, K.Budanovun fikrincə, atəşkəs üçün şərait, çox güman ki 2027-ci ilin yazına qədər yaradılmayacaq.

Qeyd edək ki, "Axios"un mənbələrə istinadən verdiyi məlumata görə, Uitkoff və Kuşner münaqişənin başa çatdırılmasına yönəlik məsələləri müzakirə etmək üçün sentyabrın 5-6-da Moskva və Kiyevə səfər edəcəklər.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Mehriban Əliyeva Azərbaycanın Müqəddəs Taxt-Tacdakı səfirliyinin inzibati ofisinin açılışında iştirak edib

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib