Bu gün bizim üçün növbəti idman bayramıdır. Çünki "IRONMAN" ilk dəfə olaraq Bakıdadır. Bu yarışı, bu tədbiri çoxdan gözləyirdik və nəhayət, bu gün start verildi.

BAKU.WS Azərtac-a istinadən xəbər verir ki, bu sözləri gənclər və idman naziri Fərid Qayıbov Bakının ev sahibliyi etdiyi "IRONMAN 70.3" triatlon yarışı barədə jurnalistlərə açıqlamasında deyib.

Nazir bildirib ki, bu il Bakının dünyanın idman paytaxtı olması ilə əlaqədar şəhərdə çoxsaylı beynəlxalq və irimiqyaslı idman tədbirləri təşkil edilir: "60-dan artıq ölkənin nümayəndələrinin və 1000-dən çox idmançının iştirak etdiyi yarışda 100-dən artıq azərbaycanlı idmançı mübarizə aparacaq. Bizi sevindirən məqamlardan biri də ölkəmizi təmsil edən idmançıların sayının çox olmasıdır. Son illərdə bu idman növü Azərbaycanda populyarlaşıb və "IRONMAN" iştirakçılarımızın sayı hər il artır. Bu yarış da idmançılarımız üçün "IRONMAN" statusu qazanmaq baxımından növbəti şansdır. Mən hər bir idmançını və federasiyanı təbrik edirəm, tərəfdaşlarımıza təşəkkürümü bildirirəm. İstərdim ki, belə tədbirlər ölkəmizdə daha çox keçirilsin. Bilirsiniz ki, idmanla bağlı nazirliyimizin strategiyası var. Bu strategiyanın əsas məqsədlərindən biri idmanı hər bir vətəndaş üçün həyat tərzinə çevirməkdir. Belə tədbir və yarışların keçirilməsi ilə, təbii ki, biz bu məqsədlərimizə çatırıq".

Xatırladaq ki, yarış Gənclər və İdman Nazirliyi, Azərbaycan Triatlon Federasiyası və Bakı Şəhər Halqası Əməliyyat Şirkətinin təşkilatçılığı ilə keçirilir.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

"Kağız gətir - kitab apar" sosial-ekoloji layihəsinə start verildi