Gələcəkdə bir neçə ölkə Hörmüz boğazından gəmilərin təhlükəsiz keçidini təmin etmək üçün ABŞ-yə qoşulacaq.

"Report"un məlumatına görə, bunu ABŞ-nin energetika naziri Kris Rayt CNN-in efirində bildirib.

"Güman edirəm ki, gələcəkdə digər ölkələr də gələcək və bu işdə bizimlə əməkdaşlıq edəcəklər", - o, yeni reallıqda ABŞ Hərbi Dəniz Qüvvələrinin boğazda mövcudluğu ilə bağlı suala cavabında bildirib. "Ticarət, şübhəsiz ki, sülh üçün vacibdir və bu, yalnız Vaşinqtonun məsuliyyəti olmamalıdır", - nazir əlavə edib.

K.Raytın sözlərinə görə, Hörmüz boğazından nəql edilən neftin həcmi gündə 9 milyon bareldən artıqdır.

"Hörmüzdən tranzit hazırda gündə orta hesabla 9 milyon bareldən çoxdur və boğazı keçən boru kəmərləri ilə həcmlər münaqişədən əvvəlki səviyyənin üçdə ikisinə çatır", - o qeyd edib.

Energetika Nazirliyinin rəhbəri bildirib ki, ABŞ Hərbi Dəniz Qüvvələri İranın əks təsirinə baxmayaraq, Hörmüz boğazı uğrunda döyüşdə qalib gəlir.

Oxşar xəbərlər

Dərnəgüldə yanan obyektin malları daşınır

Lökbatanda yanan anbardakı mallar təhlükəsiz əraziyə daşınır - YENİLƏNİB-4

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2