Bakıdakı Zəfər Parkı bütün Türk dünyası üçün şərəf abidəsi hesab oluna bilər.

"Report" xəbər verir ki, bunu türkiyəli din xadimi Güvən Dumanlı Türkiyə, Gürcüstan və İraqda fəaliyyət göstərən azərbaycanlı din xadimlərinin ölkəyə səfəri zamanı Zəfər Parkını ziyarət edərkən jurnalistlərə açıqlamasında deyib.

O, 44 günlük Vətən müharibəsini xatırladıb, şəhidlərə Allahdan rəhmət diləyib:

"Bizdən gözlənilən də elə budur. Fateh Sultan Mehmetdən Şah İsmayıl Səfəviyə, Mustafa Kamal Atatürkdən Ümummilli Lider Heydər Əliyevə qədər Türk dünyasının, türk torpaqlarının istiqlalı və azadlığı uğrunda mühüm işlər görülüb. Bu gün isə Ali Baş Komandan, Prezident İlham Əliyev və Prezident Rəcəb Tayyib Ərdoğan Türk dünyasının, türk torpaqlarının istiqlalı və azadlığı, eləcə də bütün dünyada türk dövlətlərinin gücünü göstərmək üçün çox yaxşı işlər görürlər".

Din xadimi Prezident İlham Əliyevə təşəkkür edib:

"Azərbaycan dünyaya "müharibə dərsi" verib. Ona görə də Bakıda, Zəfər parkında olmaq bizim üçün bir şərəfdir. Sabah isə illərdir arzuladığımız Qarabağı ziyarət edəcəyik".

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

DİN-in hərbi qulluqçuları və polis əməkdaşları Zəfər parkını ziyarət ediblər

Türkiyə, Gürcüstan və İraqın azərbaycanlı din xadimləri Bibiheybət məscidini ziyarət edib

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər