ABŞ ordusu İranın liman şəhəri olan Cask yaxınlığında iki neft tankerini hücuma məruz qoyub.

"Far.Az" xəbər verir ki, bu barədə IRIB məlumat yayıb.

"Cask limanının sahili yaxınlığında İranın neft tankerinə hücum edilib", - IRIB-nin əraziyə ezam olunan müxbiri bildirib.

Bir müddət sonra Caskdakı digər neftdaşıyan gəmiyə də hücum olunduğu qeyd olunub:

"Neft tankerinin heyəti elə ilk anlarda təhlükəsiz şəkildə təxliyə edilib".

Xatırladaq ki, İranın Xarq adası yaxınlığında da neft tankeri hücuma məruz qalıb.

08 sentyabr, 23:10

İranın liman şəhəri olan Caskda partlayış səsi eşidilib.

"Far.Az" "Fars" agentliyinə istinadən xəbər verir ki, partlayışlar saat 21:45 (Bakı vaxtı ilə 22:15) radələrində qeydə alınıb.

"Yerli mənbələr səsin dəniz istiqamətindən və "Qara daş" bölgəsi yaxınlığından eşidildiyini, partlayışın iki mərhələdə və qısa fasilə ilə baş verdiyini bildirirlər", - xəbərdə qeyd olunub.

Partlayışın təfərrüatları barədə məlumat açıqlanmayıb.

Xatırladaq ki, İranın "Xatəm əl-Ənbiya" hərbi komandanlığının mərkəzi qərargahı ABŞ-nin hücum edəcəyi təqdirdə, sərt cavab tədbirləri ilə bağlı xəbərdarlıq edib.

Oxşar xəbərlər

Prezident İlham Əliyev "AZWOOL" mineral daş yunu zavodunun açılışında iştirak edib

20 Sentyabr - Neftçilər Günü münasibətilə tədbir keçirilib

İlham Əliyev "Zangilan City Park Hotel"in təməlini qoyub - YENİLƏNİB

Bakıda obyektdə güclü PARTLAYIŞ - 7 nəfər xilas edilib, yaralılar var

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3