İslam İnqilabı Keşikçiləri Korpusu (SEPAH) Hörmüz boğazının İran tərəfindən qadağan elan olunmuş və qeyri-təhlükəsiz bölgəsindən keçmək niyyətində olan 2 Amerika gəmisi, 8 neft tankeri və digər bayraqlar altında üzən 10 gəmini hədəfə alıb.

"Report" "Tasnim"ə istinadən xəbər verir ki, SEPAH bununla bağlı bəyanat yayıb.

"SEPAH-ın Hərbi Dəniz Qüvvələri Amerika ordusunun Fars körfəzində 5 İran neft tankerinə etdiyi hücuma cavab olaraq, bu bölgədə 2 Amerika gəmisini və 8 neft tankerini hədəfə alaraq onlara böyük zərər vurub", - bəyanatda bildirilib.

Qeyd olunub ki, ABŞ ordusunun dəstəyi ilə Hörmüz boğazının qadağan olunmuş və qeyri-təhlükəsiz bölgəsindən keçmək niyyətində olan, qaydaları pozan 10 gəmiyə də zərbələr endirilib:

"Hörmüz boğazı SEPAH-ın Hərbi Dəniz Qüvvələrinin nəzarəti və idarəsi altındadır".

Daha əvvəl SEPAH ABŞ-nin İordaniyadakı F-35, F-16, F-15 qırıcılarının təmir-texniki xidmət, hazırlıq, dislokasiya anqarı və qırıcı sığınacaqlarına da hücum edib.

Xatırladaq ki, ABŞ Silahlı Qüvvələrinin Mərkəzi Komandanlığı (CENTCOM) İrana aid beş neft tankerini məhv etdiyi barədə məlumat yayıb.

04:04

İranın İslam İnqilabı Keşikçiləri Korpusu (SEPAH) ABŞ Hərbi Dəniz Qüvvələrinin (HDQ) qanadlı raketlər və "Aegis" döyüş sistemi daşıyan DDG-119 və DDG-53 döyüş esmineslərini hücuma məruz qoyub.

"Report" xəbər verir ki, bu barədə "Tasnim" agentliyi SEPAH-a istinadən məlumat yayıb.

"İslam İnqilabı Keşikçiləri Korpusunun Hava-Kosmik Qüvvələri cəzalandırma əməliyyatında qanadlı raketlər və "Aegis" daşıyan DDG-119 və DDG-53 döyüş esmineslərinə ballistik raketlərlə hücum edib. Bu hücum nəticəsində həmin gəmilərə ciddi ziyan dəyib", - SEPAH-ın bəyanatında vurğulanıb.

Daha əvvəl SEPAH ABŞ-nin İordaniyadakı F-35, F-16, F-15 qırıcılarının təmir-texniki xidmət, hazırlıq, dislokasiya anqarı və qırıcı sığınacaqlarını hədəfə aldığını açıqlayıb.

Xatırladaq ki, ABŞ Silahlı Qüvvələrinin Mərkəzi Komandanlığı (CENTCOM) İrana aid beş neft tankerini məhv etdiyi barədə məlumat yayıb.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Heydər Əliyev Fondunun dəstəyi ilə alınan musiqi alətlərinin təqdimatı olub

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Azov dənizində gəmiyə dron hücumunda həlak olan Fuad Orucov Xaçmazda dəfn edilib