Nəsimi rayonunun Cəlil Məmmədquluzadə küçəsində zibil qutularının qıfıllanması sakinlərin narazılığına səbəb olub.

Sakinlərin sözlərinə görə, məişət tullantılarını atmaq üçün istifadə etdikləri konteynerlərin ağzı qıfıllandığından zibili yaxınlıqdakı digər binaların həyətlərində yerləşən qutulara atmalı olurlar.

Baku TV məsələni araşdırarkən məlum olub ki, sözügedən zibil qutuları yaxınlıqda fəaliyyət göstərən özəl tibb mərkəzinə məxsusdur.

Klinikanın əməkdaşları bildiriblər ki, konteynerlərdə tibbi tullantılar toplanır. Sakinlərin məişət tullantılarını bura atmasının və ətrafa tullantı tökülməsinin qarşısını almaq üçün konteynerlərin qapaqları qıfıllanıb.

Nəsimi Rayon Mənzil-Kommunal Təsərrüfat Birliyindən isə bildirilib ki, Cəlil Məmmədquluzadə küçəsi 12 ünvanında yerləşən çoxmərtəbəli binanın birinci mərtəbəsində fəaliyyət göstərən tibb mərkəzinin tibbi tullantılarının ətrafda yaşayan sakinlərin sağlamlığına mümkün təsiri nəzərə alınaraq, klinika rəhbərliyinə konteynerlərin xüsusi əraziyə yerləşdirilməsi və ya qapaqlarının bağlı saxlanılması tapşırılıb.

Qurumun məlumatına görə, sakinlərin məişət tullantılarını atması üçün yaxınlıqda konteyner meydançası mövcuddur. Həmin meydançadakı tullantılar gündəlik daşınır və ərazidə sanitar vəziyyətə nəzarət edilir.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Məşhur müğənni niyə səhnədə niyə açıq-saçıq geyimlər geyinmir?

Vətən müharibəsində Qələbənin beşinci ildönümünə həsr olunmuş Hərbi parad keçirilib

Sakinlər zibili boş əraziyə atır, qurum təmizləmir, zibil qutuları azdır - Mehdiabadı ZİBİL BÜRÜYÜB