Kurasao millisi Niderlandlı mütəxəssis Dik Advokatla müqavilənin müddətini uzadıb.

"Report" xəbər verir ki, bu barədə Kurasao Futbol Federasiyasının mətbuat xidməti məlumat yayıb.

78 yaşlı mütəxəssislə müqavilənin müddəti 2027-ci il avqustun 1-dək artırılıb.

Dik Advokat bu ilin may ayından Kurasao millisinə çalışır. Onun rəhbərliyi altında komanda tarixində ilk dəfə dünya çempionatında iştirak edib.

Kurasao mundialda Almaniyaya 1:7, Fildişi Sahilinə 0:2 hesabı ilə məğlub olub, Ekvadorla isə qolsuz heç-heçə edib.

Qeyd edək ki, Advokat daha əvvəl Rusiyanın "Zenit" klubunda və Rusiya milli komandasında çalışıb. O, həmçinin Niderland, Serbiya və Belçika yığmalarına rəhbərlik edib, "Fənərbağça", "Sanderlend" və PSV kimi klublarda baş məşqçi vəzifəsində işləyib.

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

Azərbaycan Prezidenti İlham Əliyev Almaniyaya rəsmi səfərə gedib

DÇ-2026: Fildişi Sahili qələbə qazanıb, Kurasao mundialla vidalaşıb - YENİLƏNİB-4