Livanın şimal sahillərində gəmi batdıqdan sonra xilas edilən bir qrup qanunsuz miqrant çərşənbə günü "Əl-Əridə" sərhəd-keçid məntəqəsində Suriya hakimiyyət orqanlarına təhvil verilib.

"Report" "Asharq al-Awsat" qəzetinə istinadən xəbər verir ki, bu barədə yerli təhlükəsizlik xidmətindəki mənbə bildirib.

Onun məlumatına görə, sentyabrın 8-də Livan Hərbi Dəniz Qüvvələrinin üzvləri 21 Suriya vətəndaşını sudan xilas ediblər. Onların qeyri-qanuni yolla Kiprə çatmağa çalışdıqları qayıq ölkənin şimalındakı Tripoli limanı yaxınlığında yanaraq batıb.

Gəmidə olan insanların dəqiq sayı hələlik müəyyən edilməyib. Livan sahillərində axtarış-xilasetmə əməliyyatı davam edir.

Üç suriyalı ağır yanıq xəsarətləri ilə xəstəxanaya çatdırılıb.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Vətən müharibəsində Qələbənin beşinci ildönümünə həsr olunmuş Hərbi parad keçirilib

Dağlıq ərazidə axtarış-xilasetmə ilə bağlı təlim keçirilib