Gəlinlərin əksəriyyəti toy günü klassik və ya lüks avtomobillərə üstünlük verirlər. Bəziləri isə fərqlənmək üçün traktor, yük maşını, hətta at arabası kimi nəqliyyat vasitələrinə üz tuturlar.

Lakin budəfəki bəy və gəlin hamıdan fərqli bir seçim edərək toy məclisinə motosikletlə qatılıblar. Bu qeyri-adi qərarın arxasında duran gəlin - 4 ilin baykeri Fatimə Məlikli sözügedən addımının səbəblərini Baku TV-yə açıqlayıb.

"Motosiklet sürmək uşaqlıq arzum və həyatımın ayrılmaz hissəsidir. Buna görə də ən özəl günümün bir parçası olmasını istədim. Yolda hər hansı problem yaşanmasın deyə bəylə birlikdə xüsusi təlim də keçmişdik. Əslində, məqsədimiz zalın içərisinə motosikletlə girmək yox, sadəcə, xüsusi çəkiliş üçün motosiklet karvanı ilə yürüş etmək idi. Lakin restoranın qarşısına çatanda atam mənə sürpriz edərək rəhbərliklə danışdı və zala motosikletlə daxil olmağımızı təşkil etdi. Sosial şəbəkələrdəki tənqidlərə gəlincə, hər kəsin fikrinə hörmətlə yanaşıram. İnsanlara elə bir xoşbəxtlik arzulayıram ki, başqalarının həyatını müzakirə etməyə vaxtları qalmasın", - deyə o bildirib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib