Bir qrup çinli alim gənə dişləməsi ilə ötürülən virusun yeni növünü - Asiya uzunayaqlı gənəsinin nayrovirusunu (ALTNV) aşkar ediblər.

"Report" xəbər verir ki, tədqiqatın nəticələri "The New England Journal of Medicine" jurnalında dərc olunub.

ALTNV başqa bir xəstəliyin - trombositopenik sindromlu kəskin qızdırmanın (SFTS) öyrənilməsi zamanı aşkar edilib.

SFTS diaqnozu qoyulmuş pasiyentləri araşdırarkən alimlər xəstələrin 30 %-də xəstəliyin törədicisini - "Dabie bandavirus"unu aşkar edə bilməyiblər. Nəticədə SFTS təzahürlərinə bənzər simptomlar yaradan yeni virus aşkar edilib.

"Dabie bandavirus" kimi ALTNV də yoluxmuş gənənin dişləməsi vasitəsilə ötürülür. Dişləmədən sonra insanda zəiflik və həzm orqanlarının fəaliyyətində pozğunluqlar yaranır.

"Dabie bandavirus"dan fərqli olaraq ALTNV-yə yoluxmanın ölümlə nəticələndiyi hələ ki müəyyən edilməyib. Lakin hər iki virusa eyni vaxtda yoluxma zamanı 38 pasiyentdən 7-si vəfat edib.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Bakıda daun sindromlu gəncləri işlə təmin edəcək restoran

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Heydər Əliyev Fondu Çində xüsusi qayğıya ehtiyacı olan uşaqlar üçün xeyriyyə tədbiri təşkil edib

Azərbaycanlı alim, tanınmış ictimai-siyasi xadim vəfat etdi