Dünya Bankı Qrupunun Azərbaycandakı vahid nümayəndəsi Saşa Akira Bakes vəzifəsinin icrasına başlayıb.

"Far.Az"a bankdan verilən məlumata görə, S. Bakes bu vəzifədə Beynəlxalq Yenidənqurma və İnkişaf Bankını (BYİB), Beynəlxalq Maliyyə Korporasiyasını (IFC) və Çoxtərəfli İnvestisiya Zəmanətləri Agentliyini (MIGA) təmsil edəcək, həmçinin Dünya Bankı Qrupunun Azərbaycandakı fəaliyyətini əlaqələndirəcək.

O, fəaliyyəti çərçivəsində Dünya Bankı Qrupunun Azərbaycan üzrə Tərəfdaşlıq Çərçivəsinə uyğun olaraq dayanıqlı iqtisadi artımın təşviqinə, özəl sektorun inkişafına və yeni iş yerlərinin yaradılmasına, mikro, kiçik və orta sahibkarlıq subyektlərinin maliyyələşməyə çıxış imkanlarının genişləndirilməsinə dəstək göstərəcək.

Bundan əlavə, onun fəaliyyət istiqamətlərinə nəqliyyat və rəqəmsal bağlantının inkişafı, enerji keçidinin dəstəklənməsi, eləcə də iqlim dəyişikliklərinə davamlılığın artırılması daxildir.

S. Bakes 2007-ci ildən Dünya Bankı Qrupunda çalışır.

Qeyd edək ki, Dünya Bankı Qrupu Azərbaycanda vahid ölkə nümayəndəliyi modelinə keçmək barədə qərar qəbul edib.

İlkin mərhələdə S. Bakesin yalnız Dünya Bankının Azərbaycandakı ölkə meneceri vəzifəsinə təyin olunacağı nəzərdə tutulurdu.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib