Naxçıvanda Türkiyə xalqının böyük öndəri, ictimai-siyasi Mustafa Kamal Atatürkün xatirəsi anılıb.

"Report"un yerli bürosu xəbər verir ki, Atatürkün Naxçıvan şəhərində ucaldılan abidəsi ziyarət olunub, xatirəsi yad edilib.

Anım mərasimində əvvəlcə böyük öndər Mustafa Kamal Atatürkün və iki qardaş ölkənin şəhidlərinin əziz xatirəsi bir dəqiqəlik sükutla yad edilib.

Türkiyənin Naxçıvan Muxtar Respublikasındakı baş konsulu Asip Kaya abidə önünə çələng qoyub.

Mərasimdə Naxçıvan Muxtar Respublikası Ali Məclisinin deputatları, Əlahiddə Ümumqoşun Ordu Komandanı general-mayor Kənan Seyidov, Naxçıvan Şəhər İcra Hakimiyyətinin başçısı Cabbar Musayev, Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin rəisi Vüsal Ələkbərli, Türkiyə Silahlı Qüvvələrinin Azərbaycan Respublikasındaki hərbi attaşe aparatının Naxçıvan Muxtar Respublikasındakı nümayəndəliyinin zabitləri, türkiyəli iş adamları və qardaş ölkənin Naxçıvanda təhsil alan tələbələri abidə önünə gül dəstələri qoyub, Mustafa Kamal Atatürkün xatirəsinə ehtiramlarını bildiriblər.

Türkiyənin Naxçıvandakı Baş Konsulluğunda davam edən anım tədbirində Azərbaycan və Türkiyə respublikalarının Dövlət himnləri səsləndirilib.

Sonra Mustafa Kamal Atatürklə bağlı videoçarx nümayiş etdirilib. Tədbir çıxışlarla davam edib.

Qeyd edək ki, bu gün Atatürkün vəfatından 86 il ötür.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Nəcməddin Sadıkov barəsində araşdırma aparıldığı TƏSDİQLƏNİB

MN-dəki 143 milyonluq cinayət işi: General Namiq Poladova 4 milyon 600 min manat çatıb

Sumqayıtda Vətən müharibəsi şəhidlərinin xatirəsi anılıb

Türkiyənin Zəfər bayramı münasibətilə Bakıda "Türk şəhidliyi" abidəsi ziyarət olunub